ناصر أبو طاحون يكتب:رفع النواب
أنا مش شاغلني قوي فرحة النواب دي بعد ما أنصفتهم الهيئة الوطنية للانتخابات اليوم بإعلان فوزهم
و لا شاغلني أمر رئيس اللجنة اللي رفع تصويت لجنة من ألف و كسور لثمانية ألاف و زيادة مرة واحدة
و لا مهتم بالوضع الجديد لكل موظف أو مسئول شارك في عملية الرفع “مشيها رفع” لأصوات قرية بزيادة ٧ آلاف صوت.. و هل هيستمروا في أعمالهم و وظائفهم الحساسة بعد ثبوت تورطهم في عملية رفع الأصوات “مشيها رفع الأصوات”..
و لا شاغلني المتطوعين اللي شغلوا أنفسهم وتطوعوا بالهجوم على النواب دي علشان دافعوا عن حقوقهم، لأن المتطوعين دول لديهم خبرات عميقة في تبديل الولاءات
لكن بصراحة تفكيري كله منصب على النواب اللي أعلن فوزهم في اللجنة بتاعتهم، و اللي احتفلوا و أقاموا الأفراح و علقوا الزينات و ذبحوا الذب.ائح و أولموا الولائم .. شعورهم إيه دلوقتي و مين اللي هيعوضهم عن دا ؟؟
من صفحته الشخصية على فيس بوك
